Улсын Их Хурлын Тамгын газрын дэд дарга Ц Батбаатарын баталсан “Шатар сонирхогчдын сумын аварга шалгаруулах 2023 оны анхан шатны  тэмцээнийг зохион байгууллаа. Тэмцээнийг сумын "Шагайн холбоотой хамтран зохион байгууллаа. Тэмцээний эрэгтэй төрөлд өндөр настан Ж.Пүрэв, “Шагайн холбоо’-ны тэргүүн Ц.Баатаржав, иргэн Г.Ууганбаяр, Д.Баянмөнх, Г.Баясгалан, малчин Б.Батнасан, сувилагч Б.Далайцэрэн нарын 7 хүний бүрэлдэхүүнтэй, эмэгтэй төрөлд Орлогч дарга Э.Сүглэгмаа, нярав П.Цэцэгдэмбэрэл, сургуулийн нийгмийн ажилтан Ц.Орхонтуул нарын 3 хүний бүрэлдэхүүнтэй тус тус оролцож тойргийн системээр тоглолтыг явууллаа.

Эрэгтэй төрөлд 1 дүгээр байрт Г.Ууганбаяр, 2 дугаар байрт Ж.Пүрэв, эмэгтэй төрөлд 1 дүгээр байрт Ц.Орхонтуул нар тус тус шалгарч Монгол Улсын Их Хурлын дарга Г.Занданшатарын гарын үсэг бүхий “Аймгийн аварга шалгаруулах тэмцээн"-д оролцох эрх, Нутгийн өөрөө удирдах байгууллага үүсч хөгжсөний 30 жилийн ойн медалийн хамт гардуулан өгөв.

Сумын Иргэдийн Төлөөлөгчдийн Хурлын дарга Ч.Эрдэнэ-Очир дараагийн шатны тэмцээнд оролцох шатарчдад замын зардалд шатахууны дэмжлэг үзүүлэхээ илэрхийллээ.